24 Tetor 2026

Studentët po vijojnë organizimin për protestën kombëtare të paralajmëruar për sot në kryeqytet. Sipas raportimit, me protestën janë solidarizuar pedagogë, mjekë dhe sindikata e biznesit të vogël.

Pedagogët pritet të mblidhen në orën 10:00 (dt. 24) pranë Universitetit Politeknik. Në orën 12:00, Partia Demokratike u ka bërë thirrje aktivistëve dhe forumeve të saj të mbështesin protestën e studentëve, ndërsa në orën 14:00 është njoftuar bashkimi i grupeve të studentëve në protestën përpara Kryeministrisë.

Pjesëmarrje pritet të ketë edhe nga studentët e rretheve, të cilët janë solidarizuar me protestën në Tiranë. Gjatë javës, protesta janë zhvilluar edhe në qytetet ku ka universitete, ndërsa sot studentët pritet të udhëtojnë drejt kryeqytetit për t’iu bashkuar tubimit.